A caracterización acústica de materiais: uso de estándares nos xemelgos dixitais

"A caracterización acústica de materiais: uso de estándares nos xemelgos dixitais", organizado por CITMAga. Será impartido por Andrés Prieto Aneiros (Dpto. de Matemáticas. Universidade da Coruña).

Data: 21 de novembro de 2025.

Hora: 12:30 h.

Duración: 1 hora

Lugar: Aula Magna da Facultade de Matemáticas, ou ben online a través do enlace Teams Meeting.

Abstract:

O deseño de xemelgos dixitais en instalacións industriais críticas é un reto debido á súa inherente complexidade computacional e á habitual falta de información fiable a priori sobre os sistemas ou procesos a estudar (por exemplo, nas liñas de tubaxes dunha central nuclear). Como primeiro paso no deseño dun xemelgo dixital dun sistema vibroacústico, débese escoller un modelo axeitado para a lei constitutiva dos materiais das estruturas. As suposicións máis comúns con respecto á propagación de ondas lineais nun material viscoelástico poden ser o modelo elástico lineal estándar, os modelos de Maxwell ou Kelvin-Voig, entre outros. Esta metodoloxía de modelado sofre potencialmente da incertidume epistémica dunha selección inadecuada do modelo. Neste seminario, farase unha revisión crítica do impacto desta falta de información na modelización matemática de materiais viscoelásticos lineais e como é posible elixir de forma non paramétrica as súas leis constitutivas baseándose unicamente nos datos experimentais sen impoñer ningunha dependencia funcional da frecuencia.