DENOMINACIÓN: Contratación no marco do programa propio de investigación do consorcio Centro de Investigación e Tecnoloxía Matemática de Galicia (CITMAga), aprobado polo Consello Reitor o 25 de maio de 2022, para o desenvolvemento dos obxectivos estratéxicos de apoio e instrumentais.

REFERENCIA DA OFERTA: CITMAga-OT-04/2024.

RESPONSABLE: Profa. Dra. María Rosa Crujeiras Casais, Directora Científica de CITMAga.

DESCRICIÓN DO POSTO: 1 contrato como técnico/a grao medio de investigación (II.2).a.

ACTIVIDADES A REALIZAR: realización de tarefas de apoio á xestión da investigación no marco do programa propio de investigación do CITMAga, para o desenvolvemento dos obxectivos estratéxicos no período 2022-2025.

FUNCIÓNS A REALIZAR: prestar apoio na xestión de actividades de investigación do centro para o desenvolvemento da súa axenda científica no período 2022-2025. Apoio na xestión e promoción de actividades de difusión, divulgación e transferencia dos resultados da investigación (organización de reunións, execución de actividades, e xestións afíns relacionadas).

PERFIS DAS PERSOAS CANDIDATAS: diplomatura, arquitectura técnica, enxeñería técnica ó equivalentes.

MÉRITOS E REQUISITOS A VALORAR:

• Formación e experiencia xeral a valorar (40 puntos, todas as aportacións deben estar documentadas).
  • Expediente académico. Valorarase o grao de afinidade das titulacións da persoa candidata no ámbito de coñecemento de Ciencias Sociais e Xurídicas. Expediente de mestrado (de ser o caso) relacionado co ámbito anteriormente mencionado. (15 puntos).
  • Formación especializada e acreditada en xestión de proxectos, dirección estratéxica, márketing e equipos de proxectos. (10 puntos).
  • ou Formación específica e acreditada en administración pública e igualdade de xénero. (7 puntos).
  • Formación específica e acreditada en competencias dixitais e “community manager”. (3 puntos).
  • Coñecementos de inglés. (3 puntos).
  • Formación en uso de ferramentas ofimáticas. (2 puntos).
• Coñecementos e experiencia adicional e específica a valorar (30 puntos, todas as aportacións deben estar documentadas).
  • Experiencia previa acreditada de polo menos dun ano en soporte á xestión de actividades de investigación e transferencia de tecnoloxía,  relacionadas co ámbito das matemáticas. (15 puntos).
  • Experiencia previa acreditada na realización de actividades para a promoción, a difusión e a divulgación da investigación e a transferencia de tecnoloxía relacionada co ámbito das ciencias, ciencias experimentais ou a enxeñería, (7,5 puntos).
  • Experiencia previa acreditada en aplicación de metodoloxías de análises para a investigación de mercados e tendencias, manexo de técnicas de investigación cualitativas e análise de datos. (5 puntos).
  • Experiencia previa acreditada no desenvolvemento de actividades, organización de eventos, e o deseño e a execución de accións para a súa promoción, difusión, divulgación e comunicación á sociedade. (2,5 puntos).
• Entrevista persoal (30 puntos).

As persoas candidatas seleccionadas de acordo cos criterios anteriores serán convocadas a unha entrevista persoal. Entrevistarase polo menos ás/ós tres candidatas/os con mellor valoración e que entre os dous apartados anteriores alcanzaran polo menos 40 puntos.

Criterio xeral do proceso de selección: que en condicións equivalentes de idoneidade (méritos iguais) entre dúas ou máis persoas candidatas, accederá ó posto a persoa de sexo menos representado no tipo de posto convocado.

REQUISITOS XERAIS DAS PERSOAS CANDIDATAS
Para ser admitidas/os, as persoas aspirantes, ademais de cumprir os requisitos específicos esixidos na actividade ou proxecto para a que realicen a súa solicitude indicados no punto anterior, deberán posuír no día de finalización de presentación de solicitudes e mantelos ata a data prevista de finalización do contrato, os seguintes requisitos de carácter xeral:

• Ter nacionalidade española ou dalgún dos demais Estados membros da Unión Europea ou nacional dalgún estado, ao que, en virtude de tratados  internacionais celebrados pola Unión Europea e ratificados por España, lles sexa de aplicación a libre circulación de traballadores.
• Tamén poderán participar, calquera que sexa a súa nacionalidade, a/o cónxuxe das persoas con nacionalidade española e de algún dos demais Estados membros da Unión Europea, e cando así o prevea o correspondente tratado, o dos nacionais de algún estado ao cal en virtude dos tratados internacionais celebrados pola Unión Europea e ratificados por España lles sexa de aplicación a libre circulación de persoas traballadoras, sempre que non estean separadas de dereito. Así mesmo, coas mesmas condicións, poderán participar os seus descendentes e os do seu cónxuxe, menores de vinte un anos ou maiores de dita idade que vivan ao seu cargo.
• Así mesmo poderán participar as persoas con nacionalidade de países non membros da Unión Europea ou que non estean incluídos no ámbito de aplicación dos tratados internacionais celebrados pola Unión Europea e ratificados por España nos que sexa de aplicación a libre circulación de persoas traballadoras. No obstante, a formalización do contrato laboral con persoas destas nacionalidades queda condicionada a que as persoas aspirantes teñan concedida a excepción ou permiso de traballo e residencia legal en España.
• Ter cumpridos os 16 anos.
• Estar en posesión da/s titulación/s válida/s en España que se indique/n de acordo á lexislación española.
• Estar en posesión do título e demais requisitos esixidos na convocatoria para cada categoría ao finalizar o prazo de solicitude.
• Non padecer enfermidade nin estar afectado por limitación física o psíquica que sexa incompatible co desempeño das funcións correspondentes.
• Non estar separada/o, mediante expediente disciplinario do servizo de calquera das administracións públicas nin estar inhabilitado para o desempeño das funcións públicas.

CONDICIÓNS:

• Retribución bruta mensual: 1.924,16 € en 14 pagas.
• Data inicio prevista: a partir do dia seguinte á data da resolución da selección (1)
• Tipo de contrato: Contrato indefinido de actividades científico-técnicas, conforme ao artigo 23 bis da Lei 14/2011, do 1 de xuño, da ciencia, a tecnoloxía e a innovación.
• Categoría Laboral: técnico/a grao medio de investigación (II.2).
• Duración: indefinido (contrato indefinido de actividades científico-técnicas) (2)
• Xornada laboral: a tempo completo (35.0 horas semanais).

COMISIÓN DE AVALIACIÓN:
As solicitudes presentadas serán valoradas por unha Comisión de Avaliación designada ao efecto.
A Comisión estará constituída pola/o responsable científica/o a (presidiráa) e membros do equipo de investigación vinculados ao Centro.
Membros da Comisión Especializada de Selección:

• Presidenta: Rosa María Crujeiras Casais.
• Secretaria: Adriana Castro Novo.
• Vogal: Miguel Brozos Vázquez.

LUGAR DE TRABALLO: Centro de Investigación e Tecnoloxía Matemática de Galicia (CITMAga), Campus Vida, Santiago de Compostela.

ENVÍO DE SOLICITUDES
As persoas interesadas neste contrato deberán enviar antes do 28 de abril de 2024 ás 23:59 horas as solicitudes, que deberán incluír unha carta de presentación que resuma a traxectoria do solicitante cos méritos e experiencia a valorar na convocatoria, o currículo vitae (con teléfono móbil e correo electrónico), os títulos e os expedientes académicos de diplomatura, arquitectura técnica, enxeñería técnica ou equivalentes, grao/licenciatura/enxeñería e mestrado; outras certificacións, e a vida laboral (que acredite os méritos profesionais que aparecen no currículo vitae). Toda a documentación remitirase á seguinte dirección de correo electrónico: itmati@citmaga.gal indicando en “asunto” a referencia da oferta CITMAga-OT-04/2024. Unha vez recibida a solicitude confirmarase a recepción da mesma mediante correo electrónico. As persoas candidatas que sexan convocadas á fase de entrevista deberán aportar  documentación orixinal dos méritos aportados.

PRAZOS E RESOLUCIÓN:
Recepción de solicitudes: ata o 28 de abril de 2024 ás 23:59 horas
Avaliación de solicitudes e realización de entrevistas persoais: semana do 29 de abril do 2024.
Resolución da convocatoria: primeira quincena de maio do 2024.

LISTADO DE AGARDA
Trala resolución da convocatoria, as persoas candidatas que non foron seleccionadas e cumpran os requisitos establecidos nos criterios da convocatoria de praza, e respectando o indicado na convocatoria, poderán constituír un “listado de agarda” no marco desa convocatoria por orde de méritos e valía, sempre que se acadaran os setenta puntos. Dito “listado de agarda” farase público o mesmo día da resolución da convocatoria, e estará en vigor durante un período de 6 meses. A Comisión de Avaliación da convocatoria, se o estima convinte, poderá facer uso do “listado de agarda”, sempre e cando algunha persoa candidata/traballadora renuncie ou cause baixa voluntaria no marco da contratación e durante o tempo establecido e en vigor para o “listado de agarda”.

CARACTERÍSTICAS DOS CONTRATOS
Os contratos recollidos nesta convocatoria terán carácter laboral indefinido para o desenvolvemento da liña de investigación indicada en cada convocatoria de prazas e o persoal contratado a través da mesma dedicarase en exclusividade á realización das actividades vinculadas á liña de investigación para a que será contratado.
Ademais das causas de extinción previstas no artigo 49 do texto refundido da Lei do Estatuto dos Traballadores e as normas de desenvolvemento e concordantes, o contrato finalizará cando finalicen as actividades obxecto do mesmo ou cando finalice o financiamento. Á extinción do contrato ao traballador corresponderalle unha indemnización de 20 días por ano traballado ou parte proporcional.
As persoas seleccionadas que estean en posesión dun título estranxeiro deberán entregar, no momento de sinatura do contrato, a solicitude para obter a declaración de equivalencia á titulación e nivel académico esixido para a convocatoria na que foron seleccionados, ou a homologación no suposto de títulos que habiliten para unha profesión regulada, de conformidade co Real decreto 889/2022, do 18 de outubro, polo que establecen as condicións e os
procedementos de homologación, de declaración de equivalencia e de validación de ensinanzas universitarias de sistemas educativos estranxeiros e polo que regula o procedemento para establecer a correspondencia ao nivel do marco español de cualificacións para a educación superior dos títulos universitarios oficiais pertencentes a ordenacións académicas anteriores.
A retribución bruta do contrato é a especificada, para cada caso concreto. O contrato implicará ademais a alta no réxime xeral da Seguridade Social. Os importes contemplados poderán sufrir as variacións que establezan as normas que lles sexan de aplicación ou por causas sobrevidas non previstas inicialmente.

RESPONSABILIDADES SUBSIDIARIAS
As persoas contratados deberán manter a confidencialidade da actividades que realicen, así como gardar sixilo de todas as cuestión e asuntos inherentes á mesma e das que sexa coñecedor.

INCOMPATIBILIDADES
Os contratos obxecto da convocatoria quedan sometidos, en canto o seu réxime de incompatibilidades, ao previsto na Lei 53/1984, de 26 de decembro, de incompatibilidades do Persoal ao Servicio das Administracións Públicas.

INFORMACIÓN SOBRE PROTECCIÓN DE DATOS PERSOAIS (RXPD 2016/679 e LOPDGDD 3/2018)
RESPONSABLE DO TRATAMENTO: CONSORCIO CENTRO DE INVESTIGACIÓN E TECNOLOXÍA MATEMÁTICA DE GALICIA (CITMAga); FINALIDADE DO TRATAMENTO: A xestión das candidaturas vinculadas ao proceso de selección
LEXITIMACIÓN PARA O TRATAMENTO: Consentimento da persoa interesada (artigo 6.1a do RXPD)
DESTINATARIOS DOS DATOS: Non se cederán datos a terceiros
PRAZO DE CONSERVACIÓN: Os datos proporcionados conservaranse durante o prazo máximo de dous anos
EXERCICIO DE DEREITOS: As persoas interesadas poderán solicitar o acceso, rectificación ou supresión dos seus datos, oposición, limitación do tratamento e retirar no seu caso o consentimento outorgado enviando un email a dpd@citmaga.gal
CONTACTO DELEGADO DE PROTECCIÓN DE DATOS E INFORMACIÓN ADICIONAL: dpd@citmaga.gal

• CONVOCATORIA
• ANEXO ACTA 1ª DA COMISIÓN DE AVALIACIÓN
• ACTA 1ª DA COMISIÓN DE AVALIACIÓN
• ACTA 2ª, FINAL, DA COMISIÓN DE AVALIACIÓN