Construción de paquetes de Arthur locais para un grupo de tipo G2
Construción de paquetes de Arthur locais para un grupo de tipo G2
"Construción de paquetes de Arthur locais para un grupo de tipo G2", organizado polo CITMAga en formato presencial e virtual. Será impartido por Raúl Alonso Rodríguez (University of California, Santa Bárbara, USA).
Data: mércores 10 de xaneiro de 2024
Hora: 16:30 h
Duración: 1 hora
Lugar: Aula 10 da Facultade de Matemáticas (USC), ou online vía MS Teams (ver QR)
Abstract:
Sexa G un grupo linear conexo e reductivo. As conxecturas de Arthur proporcionan unha clasificación das representacións automorfas de cadrado integrable de G en termos do que se vén denominando parámetros de Arthur. Cada parámetro correspondería a unha clase de case-equivalencia de representacións automorfas cuxas compoñentes locais pertencen a un certo paquete de Arthur determinado polo correspondente parámetro local. Nesta charla introduciremos as conxecturas de Arthur e explicaremos como construír paquetes de Arthur locais para certa clase de parámetros asociados a un grupo excepcional de tipo G2.
O contido da charla está baseado nun traballo conxunto con Qiao He, Mishty Ray e Martí Roset.