Son doutora en Ciencias Matemáticas pola USC mención europea (1999), Profesora Titular (2003) do Departamento de Matemática Aplicada (DMA) e membro do Grupo de Referencia Competitiva mat+i, grupo cunha longa traxectoria en modelización matemática e simulación numérica de problemas reais asociados ás demandas da sociedade e da industria. Neste marco, a miña actividade investigadora céntrase en problemas de multifísica relacionados co electromagnetismo. O estudo dos problemas abordados inclúe diferentes aspectos, desde a modelización matemática ou a análise numérica ata o desenvolvemento de algoritmos numéricos e paquetes de software. Durante a miña carreira participei continuamente en proxectos de I+D+i financiados por convocatorias públicas competitivas nacionais e internacionais. Tamén en múltiples proxectos e contratos de transferencia con empresas e centros tecnolóxicos españois e estranxeiros, principalmente vinculados ao sector metalúrxico, automoción e enerxético. Fun directora do DMA (2008-2016) e membro do Comité Executivo e vicepresidente da SEMA (2016-2021). Teño concedidos 4 sexenios de investigación, 1 de transferencia e son coautora dunha patente.

M4 Ciencia e Coñecemento. Dinámica e fenómenos complexos, M4 Competitividade Industrial. Modelización matemática para a industria, M4 Competitividade Industrial. Algoritmos e computación de altas prestacións, M4 Competitividade Industrial. Produción e xestión eficientes