O obxectivo do relatorio e partillar coa audiencia aplicacións das matemáticas en Galicia e noutras rexións e simulacións tridimensionais en fluidos en conexión con empresas e institucións.

Charla curta para explicar a importancia das matemáticas, e en particular da modelización matemática e da simulación numérica, nun proceso industrial destinado a producir silicio de calidade con baixo impacto ambiental. A investigación neste campo realizárase no marco dun proxecto europeo (SisAl Pilot).

Presentación da problemática da coordinación das aeronaves durante un incendio forestal, e dunha solución aportada para axudar ó coordinador de incendio na planificación das aeronaves durante a extinción do incendio.

Os accidentes de tráfico son un dos principais retos a nivel mundial, pois resultan unha grave ameaza para a vida humana, sendo unha das principais causas de morte, especialmente nas/os mozas/os. Segundo a Organización Mundial da Saúde, o número de mortes nas estradas do mundo é inaceptablemente alto, falecendo aproximadamente 1.35 millóns de persoas cada ano.
Para comprender as causas dos accidentes de tráfico xorde a seguridade viaria, que busca apoiar ás institución na implementación de medidas axeitadas para mitigar este fenómeno. A estatística é esencial neste eido, posto que permite a análise da distribución espazo-temporal dos accidentes, a determinación de “puntos quentes” ou a comparación de patróns. Nesta charla, queremos explicar o papel fundamental da estatística espacial neste campo, para o que empregaremos exemplos e ilustracións que axuden a comprender a súa utilidade e o seu potencial.

Todos os días manexamos moitísimos datos (falamos, miramos o móbil, escoitamos ó do lado…) e non temos problema para procesalos e extraer a información relevante sen aplicar nada de estatística. Entón, por que está tan de moda falar de ciencia de datos? Por que son necesarias tantas ferramentas novas para facer algo tan sinxelo? A resposta (alerta spoiler) é que extraer conclusións dásenos bastante peor do que pensamos.

O origami é un tipo de arte orixinario de Xapón. Consiste na formación de figuras mediante dobraduras de papel, sen cortes. Nesta actividade descubriremos algúns dos principios matemáticos que hai detrás desta técnica, así como algunhas aplicacións da mesma.

Introduciremos dende un punto de vista divulgativo as ideas fundamentais da análise topolóxica de datos e cómo estamos aplicando esas ideas para tentar descifrar os papiros cabonizados durante a erupción do Vesuvio (no 79 a.C.) e que sepultou as cidades de Pompeia e Herculano.

Unha charla para todo tipo de público na que se explica que é un xogo cooperativo, como se define e se calcula o valor de Shapley, e cal é a importancia deste valor na intelixencia artificial.

Palestra sobre estrelas binarias, como se forman, como evolucionan, como interaccionan, e que importante información sobre o universo nos condece o estudo da súa dinámica.

Miguel Brozos Vázquez (Profesor Titular da UDC e investigador vinculado do CITMAga), Marco Campo Cabana (Profesor Titular da UDC e investigador vinculado do CITMAga), María José Pereira Sáez (Profesora Contratada Doutora da UDC e persoal investigador do CITMAga), María José Souto Salorio (Catedrática da UDC e investigadora vinculada do CITMAga) e Ana D. Tarrío Tobar (Catedrática da UDC e investigadora vinculada do CITMAga)

Neste obradoiro exploraremos como a forma do espazo determina algunhas das súas propiedades. Por exemplo, veremos como cambiando a forma podemos resolver problemas que eran imposibles.