G-NIGHT: noite europea das persoas investigadoras

Introduciremos unas ecuaciones para predecir como se trasmite una enfermedad en las plantas y veremos cómo es su progresión con el tiempo. ¿Podremos hacer algo para que no se expanda la epidemia?

A clasificación automatizada de sons é relevante na nosa vida cotiá: detectar un idioma mentres se fala, detectar palabras faladas para o GPS do coche, cancelar ruído nuns auriculares,  detección de temas musicais, etc. Nesta charla presentaremos as diferentes ferramentas matemáticas (excluíndo a aprendizaxe automática) que podemos usar para clasificar diferentes tipos de son: dende a transformada de Fourier ata a análise topolóxica de datos. Mostraremos como aplicar estas ferramentas a un problema de ornitoloxía: clasificar especies de paxaros en función do seu trino. 

O reto será buscar o camiño máis curto entre Santiago de Compostela e Hong Kong. Coa axuda dun globo terráqueo e un mapa  descubriremos cal é o camiño máis curto e a explicación ó sorprendente resultado.  

Pode un violín soar sen que ninguén o toque? Que fai que as cousas que nos rodean soen como soan? Fagamos algúns experimentos! Atrévete a participar nesta experiencia sonora e explora os curiosos comportamentos relacionados co son e as súas propiedades.

Se pensamos na teoría de grupos, adoitamos pensar nunha abstracción matemática que se aplica a outras abstraccións matemáticas. E a pesar de que isto é certo, tamén pode aparecer en lugares tan dispares como a Alhambra de Granada ou o Canon de Pachelbel. Nesta charla poñeremos os lentes e os auriculares matemáticos, e veremos e escoitaremos a teoría de grupos en lugares que non sospeitabamos que se agochaba.    

As ondas do mar, a luz, mesmo o ruído rúa, ou incluso eses chismes que nos contaron o outro día, teñen algo en común. Nesta charla veremos como é que as matemáticas son quen de buscarlles unha conexión e de predicir o seu comportamento.

Neste obradoiro, amosarase o uso das matemáticas na loita contra os lumes forestais. O desenvolvemento da actividade consistirá nunha breve descripción dos algoritmos realizados en CITMAga e a continuación unhas actividades para reforzar os conceptos da charla, adaptados ó tipo de público.

A idea inicial serían obradoiros ou talleres nos que ensinar a presencia das matemáticas a traves do origami.

Propoñemos unha serie de actividades presenciais interactivas co público nas que exporemos e discutiremos algunhas das ideas da matemática discreta: dende o cifrado e descifrado de códigos, pasando polos problemas máis cotizados, ata as matemáticas agochadas en xogos para nenos. As actividades adaptaranse ao público. 

Todos os días manexamos moitísimos datos e non temos problema para procesalos e extraer a información relevante sen aplicar nada de estatística. Entón, por que está tan de moda falar de ciencia de datos? Por que son necesarias tantas ferramentas novas para facer algo tan sinxelo? A resposta (alerta spoiler) é que extraer conclusións dásenos bastante peor do que pensamos.   

Una charla en la que explica qué es la simulación numérica, sus orígenes y algunas de sus muchas aplicaciones.

Miguel Brozos Vázquez (Investigador vinculado do CITMAga da UDC), Marco Campo Cabana (Investigador vinculado do CITMAga da UDC), María José Pereira Sáez (Investigadora vinculada do CITMAga da UDC), María José Souto Salorio (Investigadora vinculada do CITMAga da UDC), Ana D. Tarrío Tobar (Investigadora vinculada do CITMAga da UDC), Álvaro de la Puente Mariño (Universidade da Coruña), José Baamonde González (Universidade da Coruña) e Edgar Omar Velasco Páez (Universidad Nacional Autónoma de México).

Obradoiro de Matemáticas: mediante material manipulativo traballaranse diferentes conceptos relacionados con grafos, superficies regradas e algunhas curvas distinguidas.