Son un profesor da área de Álxebra do departamento de Matemáticas da Universidade de Santiago. A miña investigación desenvólvese no estudo das singularidades en Xeometría Alxébrica empregando métodos do Álxebra Homolóxica. No meu traballo centreime en temas como a dualidade en cohomoloxía que desenvolvín no contexto de esquemas formais. Tamén desenvolvín ferramentas homolóxicas como construcións de localizacións de Bousfield e t-estruturas con vistas á aplicación os devanditos temas. Estudei a estrutura das categorías derivadas en contextos como os esquemas formais e as pilas alxébricas. A historia das matemáticas é un dos meus campos de interese e tamén as aplicacións prácticas das matemáticas especialmente os novos desenvolvementos da teoría de feixes no contexto da teoría do sinal e os modelos alxébricos polinómicos non lineais. Teño sido Investigador Principal de diversos proxectos, dirixindo varias teses. Fun profesor visitante na Universidade Purdue e impartín conferencias en diversos centros de investigación matemática así como en diversas reunións nacionais e internacionais.

M4 Ciencia e Coñecemento. Estruturas naturais, M4 Sociedade Dixital. Computación, aprendizaxe e seguridade, M4 Vida e Sostibilidade. Bioestatística e Biomatemáticas