As miñas liñas de investigación son as árbores de expansión de custo mínimo e os problemas PERT. Estas liñas de investigación deron lugar a 14 publicacións en revistas internacionais presentes no Journal Citation Report (JCR). Algunhas indexadas na Edición de Ciencias Sociais do JCR na categoría "Economía" e outras na Edición Ciencia do JCR na categoría "Investigación de Operacións e Ciencias da Xestión" que son revistas multidisciplinares e publican artigos sobre economía, matemáticas, enxeñaría, etc. Estas publicacións deron lugar a tres sexenios de investigación en Economía (03/08, 09/14 e 16/22). Ademais, estes traballos foron presentados en máis de 40 congresos, a maioría de carácter internacional. Nos últimos 10 anos participei en 8 proxectos de investigación. Actualmente pertenzo ao grupo de investigación "Economía, Sociedade e Territorio" (ECOSOT) da Universidade de Vigo, que foi recoñecido como Grupo con potencial de crecemento pola Xunta de Galicia. Revisora das seguintes revistas internacionais presentes no JCR: Annals of Operations Research, TOP, Mathematical Methods of Operations Research, International Journal of Game Theory, Games and Economic Behavior, Operations Research International Journal e Journal of Economic Theory. Tamén fun revisora de Economics Bulletin.

M4 Competitividade Industrial. Produción e xestión eficientes