María Isabel Borrajo (Narón, 1989) é Profesora Contratada Doutora no Departamento de Estatística, Análise Matemática e Optimización (USC) dende setembro de 2019. Obtivo o seu doutoramento en Matemáticas en febreiro de 2018, coa tese titulada "Nonparametric inference on point processes with covariates", baixo a dirección dos Prof. Dres. Wenceslao González-Manteiga (USC) e María Dolores Martínez Miranda (U. de Granada). Foi Profesora Interina de Substitución no Departamento de Estatística da Universidade de Oviedo durante o curso 2017/2018. Dende setembro de 2018 foi investigadora posdoutoral na Universidade de Lancaster (Reino Unido) ata voltar á USC en 2019. As súas liñas de investigación principais a nivel metodolóxico son a estatística espacial, máis concretamente os procesos puntuais, e a estimación de curvas en datos nesgados. Tamén traballa en aplicacións a datos medioambientais, fundamentalmente dende unha perspectiva da estatística espacial. Dentro dos seus intereses podemos listar outras áreas nas que fixo colaboracións como a estimación de conxuntos, o desenrolo de software estatístico e a didáctica da estatística.

M4 Vida e Sostibilidade. Bioestatística e Biomatemáticas, M4 Vida e Sostibilidade. Entendendo a contorna e o cambio climático