Mercedes Conde Amboage (A Coruña, 1988) é licenciada en Matemáticas pola Universidade de Santiago de Compostela (USC), coa especialidade de Estatística e Investigación Operativa. Posteriormente, na mesma universidade, cursou o Máster Interuniversitario en Técnicas Estatísticas. Realizou a súa tese doutoral titulada “Statistical Inference in Quantile Regression Models” no Departamento de Estatística e Investigación Operativa da USC baixo a dirección dos profesores Wenceslao González Manteiga e César A. Sánchez Sellero. Finalmente, en abril de 2017 obtivo o título de Doutora coa máxima cualificación de Cum Laude e con Mención Internacional. Dende xullo de 2023 é Profesora Contratada Doutora no Departamento de Estatística, Análise Matemática e Optimización (USC) e dende marzo de 2021 é vicedecana da Facultade de Matemáticas. Na actualidade, Mercedes Conde encóntrase traballando nos seguintes campos: modelos de regresión cuantil aplicados a datos incompletos, aplicacións a datos biomédicos e desenrolo de software.

M4 Ciencia e Coñecemento. Dinámica e fenómenos complexos, M4 Sociedade Dixital. Computación, aprendizaxe e seguridade, M4 Vida e Sostibilidade. Bioestatística e Biomatemáticas