Son doutor en Matemáticas pola Universidade de Santiago de Compostela (2008). Despois do  doutoramento traballei no Instituto de Matemática Aplicada e Tecnoloxías Informáticas do CNR en Pavía (Italia), primeiro como investigador posdoutoral (2008-2009), e logo como investigador ata 2017. Nese ano trasladeime á Escola Politécnica Federal de Lausanne (Suíza), onde traballei como colaborador científico ata 2023. Dende setembro de 2023 son Investigador Distinguido do Departamento de Matemática Aplicada da Universidade de Santiago de Compostela, no programa Beatriz Galindo. A miña investigación céntrase en métodos para a resolución de ecuacións en derivadas parciais con splines (análise isoxeométrica), especialmente no campo do electromagnetismo. Son coautor de máis de 40 artigos en revistas de prestixio, e programador principal do software libre GeoPDEs.

M4 Ciencia e Coñecemento. Dinámica e fenómenos complexos, M4 Competitividade Industrial. Modelización matemática para a industria, M4 Competitividade Industrial. Algoritmos e computación de altas prestacións