Subvariedades homoxéneas minimais en espazos simétricos

"Subvariedades homoxéneas minimais en espazos simétricos", en formato híbrido, presencial e en liña. Impartido por Ángel Cidre Díaz (Área de Xeometría e Topoloxía)

Data:  Mércores, 12 de abril de 2023

Hora:  17:00 h.

Lugar:  Salón de Graos, Facultade de Matemáticas da USC.

Abstract:  Unha subvariedade minimal é aquela cuxa curvatura media é nula en todo punto. O seu nome débese a que as subvariedades que en todo punto e todo bordo arredor do mesmo minimizan a área con respecto de calquera variación son minimais. O seu estudo xorde no século XVIII, no caso das superficies no espazo euclídeo, cos primeiros exemplos non triviais dados por Euler e a caracterización destas por Lagrange por medio das ecuacións de Euler-Lagrange.
Nesta charla comezaremos falando das subvariedades minimais e a súa relación coa coñecida como fórmula da primeira variación, ademais de dar exemplos destas. A continuación, falaremos de subvariedades minimais homoxéneas en espazos simétricos, onde o seu estudo pode abordarse a través do uso de técnicas máis alxébricas ca no caso xeral. 

O seminario emitirase a través de Teams para que todas as persoas que non poidan acudir presencialmente teñan a posibilidade de seguilo. Pódese acceder á reunión de Teams mediante esta ligazón.

Por último, lembrade que se outorgará un certificado de asistencia a quen asista presencialmente a máis do 80% das charlas organizadas neste curso.